السلام عليكم ورحمه الله و بركاته
النهارده حقولكم على سر لذيذ من اسراري الخاصة علشان احمى اولادي من البرد و الانفلونزا و هما بيذاكروا
خاصة و اننا في فتره امتحانات و بدعي الله يوم بعد يوم انه يحفظهم و يرعاهم امين يارب
السر ببساطة اني بقدم لهم العصير ده
عصير الكنتالوب بالليمون و النعناع Lemonade with mint
عصير فريش طازج من الفاكهه الموجودة في السوق اليومين دول و كمان مش غالي
يعني الكنتالوب متوفر في حدود 4 جنيه للكيلو و ممكن كمان اللي بتعمليه عصير ده تجبيه ب 3 جنيه للكيلو
كمان الليمون احيانا بستخدم قشر الليمون اللي بحفظه عندي في الفريزر بعد ما اعصره و الله بيبقي روووعه
يعني بقدم لاولادي كوب عصير طازج يحميهم و يسعدهم و التكفلة مش مرهقة ابدا لمصروف البيت و الميزانية بتاعتي
تعالوا بقي شوفوا الطريقة لعمل الذ عصير منعش في فيديو من مطبخي مباشره
يارب تكون افكاري مفيدة و تنال رضاكم
همسه احمد
ليست هناك تعليقات:
إرسال تعليق