طريقة عمل قراقيش محشية بالعجوة تقدميها مع الشاي باللبن لاسرتك
المقادير :
3 كيلو دقيق
كيلو وربع سمن
ربع كيلو سمسم
ملعقه ونصف خميره فوريه
ممكن مكعب خميره بيره
ملعقه صغيره ملح
كيلو لبن وممكن ماء بدلا من اللبن
ملعقه كبيره سكر
شمر وكراويه ( حسب الرغبه )
الطريقه :
توضع الخميره فى كوب ويضاف اليها السكر وثلاث ملاعق ماء وتقلب جيدا
وتترك لتخمر خمس دقائق
اذا ملأت الكوب وفارت هذا معناه انها صالحه للاستخدام
هذه الخطوه مهمه جدا لان الخميره لو مش جيده هتبوظ لك القراقيش
نعمل حفره فى وسط الدقيق ونضع فيها الملح والشمر والسمسم بعد تحميره
(نصف مقدار السمسم)
تضاف السمن بعد تسيحها على النار
يقلب الدقيق جيدا بمعلقه خشب ثم يبث باليد بمعنى يدعك بين الكفين للمزج الجيد مع السمن
يضاف اللبن وتعجن القراقيش ثم تضاف الخميره وتمزج جيدا مع العجينه
تترك العجينه تخمر حوالى نصف ساعه
ونبدأفى التقطيع
ترص فى الصنيه وتترك حوالى ساعتين لتخمر
القراقيش الساده تقطيعها سهل حسب رغبتك
بعد ذلك تخبز فى فرن حرارته200درجه مئويه
طريقه تجهيز العجوه :
ممكن طبعا تجيبيها جاهزه من عند العطار
وممكن تعمليها انتى بهذه الطريقه ..
تفصصيها وتشيلى منها النوايه وتضعيها فى اناء على النار مع لبن او ماء عادي
(كيلو العجوه يضاف اليه كوب لبن كبير وملعقه كبيره زبده او سمن بلدى )
وتسوى على النار مع التقليب المستمر ثم تترك لتبرد وتفرم فى المفرمه حتى تكون ناعمه
واتفضلي بقي اجمل طبق قراقيش بالعجوة تقدميها مع الشاي عالفطار مثلا
يارب اكون قدمت لكم افادة
و بالف هنا يارب
مع حبي و تحياتي
همسه احمد
ليست هناك تعليقات:
إرسال تعليق