السلام عليكم ورحمه الله و بركاته
جمعه مباركه عليكم جميعا ان شاء الله
و امانه عليكم تدعوا لي النهارده يفك كربي و يبارك لي في اولادي و يوفقهم في دراستهم امين يارب
المهم بقي يا بنات انا جايبه لكم فكره حلوة تعملي بيها اي لون للروج المفضل عندك
يعني تخترعي و تألفي الوان لروج الشفايف علي كيفك و ذوقك الخاص
بس خليكم فاكرين ان الزينة قدام الغريب حرام و اتمني نتقي ربنا دائما في كل افعالنا و تصرفاتنا علشان ربنا يبارك لنا
و يوفقنا في حياتنا و اخرتنا كمان
ششوفي بقي الطريقة يا قمرايه
حتجيبي اي بقايا روج الشفايف الموجود عندك و تضيفي لهم قطرات من زيت الاطفال و عن نفسي انا بفضل الجلسرين علشان ينعم الشفايف و بيعطيها منظر الممتلئ ... كمان ممكن تحطي زيت الزيتون ..
يعني اختاري نوع زيت يكون مفيد و مغذي بالمرة ...
المهم حطيهم بقي في اي حاجه تنفع تتحط عالنار لحد ما تحصلي على سائل ...
و انقليهم في اي علبه عندك و استعمليه زي ما تحبي
يارب تكون فكرتي نالت اعجابكم
و اتفضلوا لعيونكم بالفيديو ومن مطبخي طبعا
طريقة عمل الذ صينيه جلاش محشية بالقشطة و الشيكولاته خطيرة بجدد
مع حبي و تمنياتي لكم بحياة سعيدة طول العمر ان شاء الله
همسه احمد
ليست هناك تعليقات:
إرسال تعليق