من النهارده باذن الله حقدم لكم اكلات توفر في مصروف البيت و حنينة عالميزانية بتاعتك
صينية سمك ماكريل في الفرن
ارز احمر صيادية يا بنات
يعني مثلا النهارده انا اتغديت و اتعشيت كمان ب 20 جنيه و بس انا و اولادي
و حقولكم ازاي
ببساطة احنا في ايام امتحانات و لازم نقدم للعيال اكل مغذي و مفيد
و طبعا مفيش احسن من الاسماك علشان نعملها لهم
فنزلت عالسوق و اشتريت كيلو سمك ماكريل ب 16 جنيه
و كيلو ارز ب 3 جنيه
و معاها بقي ربطه كرفس ب 50 قرش بس و دي بقي اللي بتخلي طعم صينية سمك الماكريل مميز و خطير
و بقية الحاجات اللي استعملتها في الصينية من طماطم و بصل و توم و جزر و بطاطس كلها موجودة في البيت طبعا
تعالوا بقي شوفوا انا عملت صينية الماكريل ازاي في الفيديو هنا حتلاقوا الخطوات بالتفصيل كمان
يارب تكون وصفتي عجبتكم
الذ صينية سمك ماكريل في الفرن مع أرز الصيادية الخطير و كل ده ب 20 جنيه و بس
و انتظروني حجيب لكم كل الاكلات اللي تساعدنا علي تحمل غلاء المعيشة و في نفس الوقت مغذية و مفيدة للاسرة
مع حبي و تحياتي
همسه احمد
ليست هناك تعليقات:
إرسال تعليق