بالصور اسهل طريقة لتنظيف و تحضير الرنجة و السردين و تقدميها مع البطاطس المحمرة
كل سنه و انتم طيبين بمناسبة شم النسيم و اعياد الربيع
و النهارده كان لقائي انا و الاولاد مع الرنجة و السردين
انا بجيب الرنجة المغلفة لاني بحس انها انظف و افضل من النوع الاخر
و علشان احافظ على نظافة البوتجاز عندي انا بشوي الرنجة في طاسة تيفال على نار هادئة جدا
و ده السردين انا جبت اثنين فقط
بظهر السكينة بزيل القشور من على ظهر السرجين و افتحها لاخرج الاحشاء
و ادي الرنجة بدات تستوي و انا بقلبها عالوجه التاني
بعد ما نظفت السردين كويس بشطفه
و في صينية بحط شويه زيت و اقليه فيه
الرنجة كده استوت خالص بشكل ممتاز
بنقل الرنجة من الصينيه لطبق تاني و اعصر عليها ليمون
و كمان عصرت ليمون علي السردين
و الزيت حطيت عليه شويه شطه و كمون و نقطه طحينه و بقي احلااااااا صوص مع السردين
الرنجة بقي ححط عليها طماطم مقطعه مكعبات
و طحينة
و هنا حمرت بطاطس طبعا ليتقدم مع الاكل
و بصل كمان للرنجة
شوية خل و طبعا زيت
اتفضلوا معانا
الرنجة مفيش كده تفتح النفس بجد
يارب تكون الوجبة النهارده نالت اعجابكم
و اللي تحب تتابع الوصفة بالتفصيل في قناتي عاليوتيوب
على الرابط التالي
بحبكم في الله
همسه احمد
ليست هناك تعليقات:
إرسال تعليق