طريقة عمل ارز الريزو .. ارز اللي بيتقدم في كنتاكي دلوقتي في بيتك انتي ..

طريقة عمل  ارز الريزو .. ارز اللي بيتقدم في كنتاكي دلوقتي في بيتك انتي ..

المقادير :

2 كوب ارز بسمتي أو مصرى ( حسب الرغبه )

2 مكعب ماجي 

بهارات (1 معلقة متوسطة أو أقل كركم - كمون- كزبرة- رشة زنجبيل- ملح )

3 معلقة سكر متوسطة 

الطريقة :

1- نحرق السكر لكن خلي لونه حلو فاتح مش غامق 

2- نضيف له كمية المياه اللي هنسقي به الأرزونقلب لحد ما يندمجوا مع بعض بالراحة وتكون النار هادية لحين ما يندمجوا

3- نضيف البهارات اللي فاتت ونظبط كمية الملح

4- نضيف الأرز

* ملحوظه :

انتبهى لكمية المياه المناسبة يعني حسب نوع الأرز اللى هتستخدميه وتخلي بالك توطي النار عليه لما يغلي وتابعيه لحد ما يستوي

** للدجاج :

ممكن تقلى فراخ بانية و بعد لما تسيبيها تبرد تقطعيها مكعبات و تنزليها فى الصوص

أو ممكن تعمليها جوا الصوص 

** للصوص :

* الصوص العادى :

1- نجيب قطع لحمة أو فراخ صغيرة ونقطعها مكعبات وبعدين نضيف عليها زيت الزيتون بيسوي بسرعة اللحوم وما شابه

 ونقلبها كويس ونفضل معاها لحين ما يقارب علي الأستواء

2- نقطع البصل وفصين توم ونضيفهم علي اللحوم ونقلب لحين ما نحس أنهم أندمجوا ونضيف البهاراتبعدين قبل الطماطم

3- نفرم الطماطم والفلفل اخضر أو نضربها في الكبة أو الخلاط اللي يناسبك وبعدين نضيفهم علي اللحوم

4- البهارت المستخدمة: كزبرة - كمون- شوية فلفل أسود بسيط- الملح-الزنجبيل"رشة بسيطة" لو معندكيش خلاص

5- يفضلوا علي البوتجاز لحين ما يستوي وبكده لما تغرفي تضيفي الصوص علي الأرز

* الصوص الحار :

نفس الطريقة اللي فاتت لكن هيختلف انك مش تعملي بصل في الأكل هتكتفي بالتوم وتضيفي قرن شطة حراق مع الطماطم

 وهيكون من ضمن البهارات شطة حمرا يعني علي المزاج

و يقدم الأرز و عليه الصوص المفضل لكى مع قطع الدجاج 

و بالهنا يارب 

همسه احمد