حكاية دقات قلبي .. حكاية بسمعها معاكم دقة بدقة لحد يوم ما صدمة عمري

من يوم ما كنت صغيرة و انا شايفة الدنيا كلها بتاعتي و ربنا سبحانه عملها علشاني , حتي الناس اللي حواليا دورهم بس كومبارس في المسرحية اللي انا بطلتها , مشاكلهم .. افراحهم .. احزانهم .. قرايبهم واصحابهم مجرد احداث لملئ فراغ الاحداث في المسرحية .

كنت بضفيرتين صغيرين بملامح خمرية مصرية حلوة ومن يومي بلمحة خجل بتلمع في عنيا يمكن سببها اني كنت ليل نهار بدور علي شئ واحد بس كنت انا اللي عرفاه و محدش غيري بالكون يتوقع اني ليل نهار بفكر فيه ... وهو الحب ..

ايوه الحب .. و ياريت محدش يستغرب كلامي لاني كنت صغيرة و بضفيرتين وقلبي لسه ميعرفش معني الحب ... تبقوا غلطانين لان انا من دون كل الناس ربنا اعطانا قلب لا يعرف الا الحب ... 

كنت بحب كل حاجه .. ماما و بابا و اخواتي و اصحابي .. طبعا كل دا عادي عند كل الناس انما انا لا لسه عندي حب تاني و هو حب كل شئ تراه عيوني ... ايوه انا كنت بحب كل حاجه بشوفها و اتعامل معاها و يكون بيننا ذكريات ..

لو دخلت مدرسة ارتبط و اعشق كل شئ فيها .. لو رحت بلد و عشت فيها ارتبط بكل لحظه عشته فيها بناسها و بيوتها و فرحها و المها و احزانها ... حتي اتعاملت مع ناس و كان ليا معاهم ذكريات توجع برضه مع مرور الايام تبقي اجمل ذكريات و لا يمكن اتذكر ليهم الا كل لحظه سعيدة و بكل حب ...

و غلطان اللي يفكر ان  هو دا الحب جوايا و بس .. لا طبعا انا برغم سني و ضفايري الحلوة كنت دائما بحلم اني امية و بدور بين كل الناس علي فارس احلامي .. ايوا فارس احلامي اللي يخطفني علي حصانه الابيض و نعيش مع بعض اجمل ايام العمر ..

ومن اول ايام حياتي و انا قلبي بيدق ... عارفين بيدق ليه .. حقولكم حكايتي و دقات قلبي لحظة بلحظة ..

انتظروني و حكاية من حكايات دقات قلبي ..