حكاية دقات قلبي 2 ... ونكمل الحكاية ..

حكاية دقات قلبي 2 ... ونكمل الحكاية ..

رجعت لكم تاني اسمع معاكم دقات قلبي و حكاياته , و اللي يحب يتابع معانا من البداية اللي كانت هنا 

http://hawaa2012.blogspot.com/2012/10/blog-post_8839.html

وتعالوا نكمل الحكاية .. لما امي كان حلمها زي اي مدرسة مصرية  انها تجيلها الاعارة الي بلد عربي , و تقدر تحوش و تعمل قرشين زي كل المصريين اللي بيسافروا برا مصر ...

و كانت الفرحة الكبيرة لما فعلا ظهر اسم امي ضمن المدرسين المعارين الي الخليج و كمان مش اي مكان في الخليج وانما الي السعودية .. ارض الحرمين الشريفين و بلد رسول الله صل الله عليه و سلم ..

و كانت المشكله الوحيدة قدام امي ان السعودية بتطلب محرم مرافق لها و لان والدي كان ضابط بالقوات المسلحة وممنوع تماما من السفر خارج البلاد عملت ماما على انها تستغل نقطة ضعف بابا وهي احنا ...

فعلا كنا نقطة ضعف بابا الله يرحمه و استغلتنا ماما علشان نزن عليه ليل نهار برغبتنا في السفر للسعودية و اننا عاوزين نركب الطائرة ...

وكان لامي ما ارادت و استقال ابي من القوات المسلحة المصرية تاركا كل شئ خلفه ارضاءا لاولاده و يالها من تضحية لم اقدرها حتي يومنا هذا و للاسف لم تقدرها امي و لا اخوتي ...

و سافرنا الي المملكة العربية السعودية ....

و حكمل لكم الباقي بعدين ...