افكار جديدة لعمل اكلات ساخنة لذيذة من بقايا السمك المقلي ومعايا مش حترمي اي حاجه باذن الله
احيانا يتبقي مننا سمك مقلي بعد الاكل و يبات لتاني يوم و بالذات لو كان عندنا عزومة مثلا ..
و بالتاكيد الاطفال مش حيحبوا ياكلوه بارد
انا بقي حقولك علي افكار حلوة تعملي بيها اكلات لذيذة و اسرتك حتفكرها طازجة مليون في المائة ...
** الطريقة الاولي ::
ثوم + فلفل حامى مفرومين يتحمروا فى الزيت ثم يضاف الخل و يغلى قليلااً و يضاف اليه السمك
ايه رأيكم بقي في شكلها ؟؟؟
طيب تعالوا نشوف الطريقة التانيه علشان نأكل السمك طازج و لذيذ ..
** الطريقة التانيه ::
شوحي ثوم و حطي عليه حبه خل و انزلي عليه بالطماطم و اتركيها تتسبك و بعدها حطي السمك
و ممكن كمان تدخليها الفرن
و الله عليها لما تخرج من الفرن مع شويه ارز ابيض او حتي بالعيش و السلطات
بتمني افكاري تكون عجبتكم و تستفيدوا منها
و مع بعض باذن الله دائما نستفيد من كل حاجه في البيت و ما نرميش اي حاجه ...
همسه احمد ..
ليست هناك تعليقات:
إرسال تعليق