صورة نادرة للزعيم الراحل جمال عبدالناصر راكب فيل مع موقف ضاحك جدا مع نهرو هندي هندي
مرة الزعيم الهندي " نهرو " قابل الزعيم العربي جمال عبد الناصر
في احد مؤتمرات دول عدم الإنحياز وكان مستاء جدا
وقاله يا جمال ينفع كده الشعب المصري يتريق علينا ويطلع علينا نكت
ونجيب الريحاني يعمل علينا فيلم كوميدي
و اللي يقول للتاني انت هندي وانت راكن الفيل بره والكلام ده ؟؟
جمال عبد الناصر قاله : لا طبعا ما ينفعش .. بس احنا لازم نحل الموضوع ده ..
احنا نعمل وحدة زي ما عملناها مع سوريا .. وبقينا الجمهورية العربية المتحدة ..
ولا بقى فيه مصري ولا سوري .. كلنا عرب واخووة وجنس واحد
احنا نعمل اتحاد مع الهند ونعلنها جمهورية واحدة وبكده مافيش بقى مصري وهندي
ونبقى كلنا اخوة في وطن واحد
رد نهرو عليه قاله : فكرة ممتازة جدا وتنطبق مع اهدافنا
بس ياترى مين اللي هيقود الجمهورية دي ويبقى زعيمها ؟؟
جمال عبد الناصر : اكيد انا رئيس الجمهورية العربية المتحدة
يبقى لازم اكون انا رئيس الجمهورية الجديدة دي
نهرو : جرى ايه يا جمال انت فاكرني هندي ولا ايه ؟؟
ليست هناك تعليقات:
إرسال تعليق