ابسط شرح لعمل صينيه مكرونة بالبشاميل

ابسط شرح لعمل صينيه مكرونة بالبشاميل

تعالي معايا حعلمك تعملي صينيه مكرونة بالبشاميل تحفة وتخلي الكل يشهدوا علي شطارتك

اولا المكونات  اللي حنستخدمها :

1- مكرونه مسلوقه
2- لحمه  عصاج وحقولكم تتعصج بايه

3- بشاميل

4 - سمنه بلدي

الطريقة:-

تسلق المكرونه بعد اضافه قليل من الملح  وشويه زيت كمان ودا بيخليها تستوي كويس من غير ما تلزق في بعضها

نضع وعاء على النار به قليل من السمن وبصله صغيرة مبشورة

ونضيف اللحم المفروم وقليل من الملح والفلفل

ويقلب على النار حتى تنضج

يمكن اضافه عصير طماطم للعصاج وعن نفسي بقي

بقطع حبه طماطم وفلفل رومي وجزر كمان و دا بيخلي طعم العصاج يجنن والله حتدعي لي

لعمل البشاميل

4 ملاعق دقيق

سمن - لبن ملح فلفل - بهار ابيض _ بيضتان


* بصي بقي للحته دي

لان فيها  الفن كله

والنفس الحلو بتاع البشاميل

وهو انك بتحطي السمنه البلدي قد الدقيق بالزبط وتحمري عالنار لما لونه يبقي ذهبي

حطي اللبن بعد كده وقلبي

حتى تحصلى على قوام متجانس

انتظرى حتى تمام النضج مع التقليب

وتبيليه بالملح والفلفل الاسود والشطه وجوزة الطيب

اه والله جوزه الطيب

ارفعيه من على النار واضيفى البيض


ادهنى الصينيه سمن ورشى قليل من البقسماط

ثم ابدأى بوضع طبقه مكرونه ثم لحم مفروم ثم مكرونه مرة اخرى

وصبى البشاميل على الوجه وجمليه بالجبن الموتزاريلا او الجبن

الرومى المبشور

ادخليها الفرن السابق تسخينه واتركيها ساعه تقريبا

حتى يتم نضجها ويصبح لون الوجه مائل للأحمرار

وبالف هنا وشفا يارب