الوصفة السرية لاكلة سمك مكرونة مقرمشة مثل المطاعم تماما

طريقة سريعة لتقشير الرمان و عمل الذ طبق فاكهه بالايس كريم في ثواني

خير زمان .. و لسان العصفور بالدود ...

امسك .... غش تجاري ....

امبارح فكرت اعمل شوربه لسان عصفور ... و فعلا حطيته في الحله ... و فجاه لقيت حاجه بتتحرك في الحله ...و لما دققت النظر لقيتها دودة .. اه و الله العظيم دودة بتتحرك ... و طبعا رميت اللي في الحله كله و غسلتها ... لكن اللي صدمني بقي .. لما جبت بقيه اكياس لسان العفور اللي عندي و لقيت فيها نفس المشكله ... اتصدمت فعلا يكون ماركت خير زمان اللي بحب اتعامل معاه ( خير زمان - فيصل - فرع حسن محمد ) بهذا الغش و الانحطاط .. و قبل ما اظلمهم رحت النهارده للفرع و بلغتهم بالي لقيته في الكيس و اتصدمت لما المسئول قاللي ليه مش جبتي الكيس و ممكن نعمل ارتجاع ... قلت له ان هدفي مش الارتجاع انما انا جيت احذركم ليتم رفع هذه الاكياس و لا يقع فيها غيري .. ده اللي حصل مع خير زمان و اتمني الكل ياخد باله .. و ربنا يرحمنا برحمته ..

الليمون المخلل من ايد زوجي الحبيب

حلمي الصغير .. استراحه علي شكل سفينة

و انا رايحه اسكندريه بعدي علي استراحه في الطريق علي ششكل سسفينه .. بحبها جدااااااااااااااا ... لكن الغريب انها مهجورة ... ششكلها يبصعب عليا .. و افضل احلم اني بقيت صاحبه الاستراحه دي .. و عمرتها و خليتها جنه ......... و بقت هيا جنتي الصغيره و العالم اللي بحلم اعيش فيه ...... نفسي في مشروع خاص بيا .. اتعب و اعرق و اششقي فيه ...  و افضل احلم احلم ... لحد ما اوصل للجيزة و افوق علي زحمه ششارع فيصل تااااااااااااااااااني ........

طريقة سهلة لعمل السكر البني في البيت

لعمل السكر البني بالمنزل , افركي كوب سكر مع ملعقه كبيره من العسل الأسود
الفوايد الصحية للسكر البني:
لا يحتوي على اي دهون
يحتوي على كميات كافية من المعادن
يحسن من الدورة الدموية

Today’s tip
:
To make homemade brown sugar, mix 1 cup of sugar with molasses
Here’s some of the brown sugar benefits:
Does not contain any fats
Contains adequate amounts of minerals
Improves blood circulation

طريقة جديده لعمل اجمل بطاطس بانيه ..

امبارح كنت بعمل ششويه كرواسون و باتيه .. المهم بعد ما خلصت خبز الحاجات لقيت باقي معايا حبه من الملمع اللي بشتغل بيه ... و اللي ما تعرفش الملمع بتاعي عباره عن بيض و زيت ... المهم قلت استفيد بيهم و اعمل شويه كريب .. اضفت الدقيق و اللبن و ششويه بهارات و حطيتهم في الثلاجه لحد لما استعملهم ... المهم النهارده بقي قلت اسلق بطاطس بالكاري و اقليها في الزيت .. فجاه خطر في بالي عجينة الكريب اللي في الثلاجه من امبارح و جه في بالي اني استعملها كغطاء للبطاطس المسلوقه قبل ما اقليها ................... و الله طلعت روووعه و مقرمششة و حميلة جداااااااااااااااااااااااااااااااااااا .... سسبحان الله جت معايا صدفه مش اكتر ... انما ان شاء الله راح استمر عليها دائماااااااااااااا ...

بنرات و صور رمزية لصفحات الفيس بوك مناسبة للمدارس و الدراسة

كل سنة و انتم طيبين 

بدات المدارس و بتمني لكم من قلبي النجاح و التوفيق طبعا 

و جبت لكم اجمل بنرات و صور رمزية علشان صفحات الفيس بوك 

يارب تعجبكم 

باذنجان و فلفل مخلل بجنيه واحد يلا اعملي أشهى المقبلات بارخص الاسعار

فكرة عالماشي ... حيبقي معاها اكلك اجمل و اطعم و الذ مليون مرة ..

فكرة على الماشي ...

و الله أسهل و أحلى فكرة هتعمليها في مطبخك .....

كل الحكاية و ما فيها ...

أنك لما تيجي تفضي كيس الملح في الملاحة بتاعتك ...

حطي معاها ملعقتين تلاتة سكر !!!!!!!

جربي و مش حتندمي باذن الله ..

امن الدولة رجعت تاني و لا انا غلطانه ؟؟

النهارده قلت اروح جنينه الحيوانات اللي في الجيزه علي اساس ان العيد انتهي و الزحمه اكيد خلصت

 و ما شاء الله لقيت مصر كلها هناك

 و فوجئت بزحمه رهيبه جداااااااااااااااااااااااااااااااااااااااااااا

 المهم ششفت امين ششرطه ماسك اتنين و نازل فيهم ضرب لحد ما جه الضابط

اتاري الكلاب دول متحرشين و قفششهم و هما بيمارسوا قذارتهم 

و بصراحه كنت عاوزة اقوم اضرب معاه في الكلاب دول اللي ما بيراعوا حرمه و لا دين

و بصراحه اكتر قلت لنفسي ان الغلطان لازم يتعاقب و لازم ما يكونش في جوانا ليه اي رحمه و لا عطف و لا شفقه 

امن الدولة رجع او لاء مش ده المهم 

المهم ان كل واحد ياخد اللي يستحقه و بس

طريقة عمل الحواوشي الاسكندراني في البيت