السبت، 27 أبريل 2013

تعالي اعلمك تستفيدي بالليمونة المعصورة ازاي .في مليون حاجه مفيدة جدا جدا .... يلا اتعلموا التدبير و التوفير يا بنات ..




سؤال  مهم لكل البنات 

*** يا تري بتعملي ايه بالليمونة المعصورة .؟؟؟؟







بترميها .؟؟؟؟ ليه يا بنتي .؟؟؟ 


تعالي اعلمك تستفيدي بالليمونة المعصورة ازاي .؟؟







1- تستخدمها في فرك الوجه لتخلصه من الدهون والغبار.

2- تمسح فيها تحت الإبطين لإزالة رائحة العرق مع جلسرين .

3- تفرك فيها الأماكن الداكنة في الجسم الأكواع و الركب.

4- تفرك فيها فروة الشعر للتخلص من الدهون.

5- تفرك بها الأسنان فهو مبيض لها .

6- أفرك يديك لإزالة روائح البصل و الثوم و الكلوركس.

7- تنظيف و تلميع عيون البوتجاز.

8 - إزالة رائحة الزفر من السمك و الدجاج و الكبده كمان .

9- تفرك به القدور للتخلص من الزيوت.

10- ضعه مع صابون الأطباق للمحافظة على نظافة الأواني .

11- تفرك به بعض البقع الصعبة من الملابس و غيرها.


و الاهم بقي اني بجمعه في كيس في الفريزر و بطلع منه و اقلي مع السمك بيعطي ريحة جميلة جدا


و كمان بضربه في الخلاط مع العصائر المختلفة بيبقي روووعه ...





و بالهنا يارب علي قلوبكم 


اتمني اكون قدمت لكم معلومة مفيدة يا بنات ...

و الي وعد بلقاء متجدد و معلومات تفيدي بيها بيتك و اسرتك 

مع حبي و تحياتي .....


همسه احمد

الخميس، 25 أبريل 2013

فكرة جميلة علشان اولادك ياكلوا البيض و ممكن كمان تعمليها في شم النسيم و كل سنه و انتم طيبين




 صباح الخير عليكم جميعا 



طبعا اغلبنا بيواجه مشكلة البيض مع الاولاد و انهم مش بيحبوه 


تعالوا بقي معايا حقولكم علي فكرة جميلة تقدمي بيها البيض لاطفالك و حيتسابقوه كمان علشان يأكلوه 




تعالوا بقي اقولكم على الطريقة :::


-----------




اسلقي البيض  ومعاه شويه ملح علشان البيض مش يتكسر منك لمدة ربع ساعه علي نار هادئة 






صفيه من الماء المغلي و حطيه في الماء البارد لمدة خمس دقائق


و بعدها قشري البيض و قطعيه بالطول بالشكل ده 





خففي الوان الطعام الصحية و المحببة لاطفالك  بالماء و انقعي فيهم البيض لمدة دقيقة 




يلا بقي علشان نحشيه 






في الحشوة بقي ممكن تنوعي مع صفار البيض حطي جبنه مبشورة او زيتون مقطع او طماطم 

و ممكن كمان بطاطس  مسلوقة و مهروسة 







 ايه رأيكم بقي ؟؟؟

اظن فكرة حلوة بجد 


انتظروني و افكار جديدة مفيدة لبيتك و اسرتك و حياتك 


همسه احمد

الثلاثاء، 23 أبريل 2013

طريقة عمل كفتة الفراخ بالجبنة الشيدر مع البطاطس المحمرة




من مطبخ همسه و كل يوم وصفة جديدة 

و النهارده بنقدم :::::

طريقة عمل كفتة الفراخ بالجبنة الشيدر  مع البطاطس المحمرة 








 المقادير: 




كوب كبير بشاميل تقيل جدا 


250 جم دجاج فيلية مسلوق 


3 بيضات 


بقسماط 

لب رغيف فينو 

75 جم جبن شيدر مبشور 












الطريقه : 





- يفرم الدجاج واللب جيدا مع الجبن 


- تخلط جميع المقادير ما عدا البقسماط وتكور ثم تغطى بالبقسماط




وتحمر بالزيت الغزير ، وتقدم  ساخنه ...


يارب تكون الوصفة عجبتكم ... و بالهنا و الشفا ..










لكم مني كل الحب ..




همسه احمد

ريجيم اللبن منزوع الدسم لانقاص 2 كيلو من وزنك بدون مجهود او تعب




ريجيم اللبن منزوع الدسم لانقاص 2 كيلو من وزنك بدون مجهود او تعب






اروع ما في ريجيم اللبن يا بنات انه وجد ان النظام الغذائي اللبني لاينقص الوزن فحسب بل في نفس الوقت يخدم الجمال للبشره وللجلد.



اذا كنتي ممن يتحمل الحليب , فقرري يوم الغذاء اللبني ليوم واحد في الاسبوع , واختاري يوم الاجازه والعطله لاجراء ذلك..




1- في مساء اليوم السابق للريجيم تعشي بشربك كوب حليب منزوع الدسم بعد غليه او تفويره علي النار واذهبي الي النوم .





2- في الصباح خذ كوب حليب مماثل.

3- واشربي كل 3ساعات كوب صغير من الحليب المنزوع الدسم .

4- وفي المساءتعشي بتفاحتين مشويتين بالفرن .5- وفي صباح اليوم التالي افطري بتفاحتين مشويتين وبذلك ينتهي يوم الحليب اذا وزنتي تجدي وزنك قد انقص 2كيلو .




وحبيت اضيف ان الحليب عند غليه لابد ان يغلي ثلاث غليات ...


و ان شاء الله يكون مفيد معاكم و بتمني اسمع تجربه كل واحده فيكم مع ريجيم اللبن ...

مع تمنياتي لكم بالصحة و العافية ..


بتمني تابعوني علي جروب ناس فايف ستار عالفيس بوك 

و مزيد من وصفات الريجيم الصحية المفيدة باذن الله ..


همسه احمد ..

السبت، 20 أبريل 2013

فكرة جميلة لطرد الذباب من المنزل و تمتعوا بصيف صحي هادئ




لان الذباب يعتبر مصدر ازعاج لنا جميعا و خطر بيهدد صحة كل افراد الاسرة ..

فكل ست بيت بتحارب وجود الذباب في بيتها 

و النهارده معايا فكرة جميلة لطرد الذباب من بيتك 


ببساطة هاتي ليمونة و حطي فيها عيدان قرنفل و ادعي لي بقي 





يارب تكون الفكرة عجبتكم 


و ما تنسوني بدعوة حلوة بظهر الغيب بالستر و الصحة و الرزق الحلال و ربنا يبارك في اولادي و يهديهم 


مع تحياتي و حبي 


همسه احمد 

الجمعة، 19 أبريل 2013

بالفيديو الطريقة السرية لحفظ البقدونس في ثلاجتك دون ان يذبل او يصفر ووفري وقتك ومجهودك






 السلام عليكم ورحمه الله و بركاته 


طريقة ممتازة لحفظ البقدونس في ثلاجتك بدون ما يصفر




لان اغلبنا من السيدات العاملات بنحتاج لكل دقيقة نوفرها علشان نعمل فيها حاجه تانيه للبيت و الاولاد ..


و حتي لو انتي ربة منزل اكيد بتتعرضي دائما لضيوف فجأة و بتحتاجي تكون في ثلاجتك حاجات تساعدك علي تجهيز المائدة بسرعة ..


النهاردة معايا فكرة حلوة علشان يكون عندك دائما بقدونس مقطع جاهز في ثلاجتك دائما 


بدون ما يذبل او يصفر نهائي 


اتفضلوا الفيديو من مطبخي و طريقة حفظ البقدونس لمدة اسبوع بحاله ممتازة





يارب فكرتي تكون عجبتكم 


انتظروني و افكار جديدة دائما مفيدة لبيتك و اسرتك ان شاء الله



و بالتوفيق دائما يارب 


همسه احمد

الجبنه بشكل جديد على مائدة طعامك




و لسه بنكمل سلسلة الافكار الجديدة لمائدة طعام بسيطة لكنها مختلفة و شهية جدا جدا 


و النهارده حنعمل صنف جميل و بسيط قوووي


* أسياخ الجبن المشويه *










المكونات :::


جبنه قطع ( النوع الذى تفضلينه )+ فلفل بارد ملون 










الطريقة :::



نقطع الجبنه مكعبات و ايضا  الفلفل 




وندخلها اسياخ بالدور .. ثم نحطها ع الشوايه بدون زيت .

نقلبها حتى تنشوي جميع الجهات و بس كده ..

نقدمها مع خبز محمص ومربى وزيتون ..


و بتكون فطار لذيذ و شهي و دقائق تقدميه لزوجك ..







يارب تكون فكرتي عجبتكم ..


تمنياتي لكم بالصحة  و السعادة طول العمر ان شاء الله ..


همسه احمد .


الخميس، 18 أبريل 2013

بطاطس مقلية بالخلطة السرية من مطبخ همسه




صباحكم سكر 


كلنا زهقنا من الاكل المعتاد و الروتين اللي بيتكرر عالسفرة دائما قدامنا 

و علشان كده من النهارده حنقدم وصفات جديدة تدخل الفرحة الي مائدة طعامك


النهارده حنعمل :::::::::








*** بطاطس مقلية بالخلطة السرية  ***



******



نقطع بطاطس ونحطه بالخلطة لمدة نص ساعة قبل القلي عباره عن






 ( نص كوب دقيق - ملح - بابريكا - كركم - م ص بيكنج باود



ر- شوية بقدونس مفروم ناعم - وشوية اوريغانو - ثوم بودره )





ونحط معها ماء للخلط حتى تكون الخلطه متوسطه لا هى ثقيله و لا خفيفه 








عند القلي نصفي البطاطس من الخليط ونحاول نحط البطاطس حبة حبة بالزيت



و نفككها علشان ما يلتصقوش ببعضهم 




تصفى بعد القلى على ورق مطبخ و تقدم  ساخنه ..




و بالهنا و الشفا عليكم ...


يارب تكون الوصفة عجبتكم ..


مع حبي و تحياتي لكم 


همسه احمد ..